قد كان

اختارت شبكة abc الأمريكية Linda Nealon شخصية الأسبوع لهذا الأسبوع تكريماً لها على جهودها "الفظيعة" لإنقاذ الكلاب من الحرب فى لبنان. وأشادت القناة الإخبارة فى تقريرها المصور جهود Linda Nealon فى حماية الكلاب "المساكين" من ويلات الحرب فى لبنان أو على حسب تعبير القناة " innocent victims of war "وتدير Linda Nealon ملجاء للحيوانات فى جنوب بيروت. وفى نهاية التقرير يظهر مقدم التقرير وبجانبة كلب فى حجم "خروف محترم جاهز للدبح على العيد الكبير" وهو يقدمة للمشاهدين أنه كان مملوك لأسرة "سعودية" كانت تقضى اجازتها فى بيروت وحينما بدء القصف تركته للبواب وسافرت "يا حرام"والبواب رماه فى الشارع علشان تيجة المحروسة Linda Nealon وتنقذه من الضياع "كتر خيرها" . الكلاب لقت اللى ينقذها لكن الأطفال مش ليهم غير ربنا. عجبت لك يا زمن

تظل حقيقة فى القلب توجعه وتضنية ذلك ان ما نبغيه لا نلقاه وما نلقاه لا نبغيه صلاح عبد الصبور

"لماذا لا أكون أفاقاً" قالها صديقى ببساطة وتابع الحديث سؤال لطالما فكرت فيه, وانا ارى من حولى الافاقين والمدعيين يكبرون يوماً بعد يوم, وفكرت فيه حينما قال لى احد الأصدقاء " لو هتعيش فى البلد دى يبقى اعرف انك مش هتكبر اخرك انك تلبس هدمة نضيفة وتخرج خروجة معقولة- لكن مش هتعرف تكبر عن كده" . علشان تكبر يبقى لازم تبقى يا افاق يا حرامى وفى الحالتين لازم ترمى المبادئ والقيم والكلام الفارغ ده فى اقرب صفيحة زبالة وفوقهم شوية بنزين واحرق. هتقولى " لا يصح إلا الصحيح" " والليل له أخر" هقولك الكلام ده مش بيأكل عيش حاف والدليل ابراهيم ابراهيم شاب مصرى (( مكافح ومناضل )) ابتدى السلم من القاع طالب فى الجامعة من اول يوم رمى نفسة فى حضن حبيبنا الحلوين بتوع الحرس وبقدرة قادر بقى عضو اتحاد طلبة, 3 سنين عضو اتحاد طلبة. اتخرج من هنا واتعين على طول فى الجامعة واشتغل عين و أذن الحرس فى المدينة الجامعية وفى ظرف اربع سنين بقى سكرتير مكتب الامين المساعد حتة وحدة ولو حد حاول يقرب لـ ابراهيم كلاب السكك هتنهشة قبل ما يفكر يعمل له حاجة. قصة كف